تورتة التفاح بالطريقة الهولندية

السلام عليكم ومرحبا بكم في مدونتي وبما انني مامسالياش هاد لايام باش ندير لكم شي شهيوه من مطبخي جبت لكم هاد التورتا المعروفة ولكن بطابع هولندي من مطبخ ميسم الله اجزيها بالخير واهون غربتها
وهدي فرصة نديرو اضفات على وصفتنا التقلدية تاع تورتة التفاح




250g دالطحين
-125gدالسكر جلاصي-
1بيضة
-150gدالزبدة بحرارة المطبخ
-2معالق دخميرة الحلوى

مقادير الحشوة
 خمس تفاحات قاصحين
 -كمشة دالزبيب
-معلقة كبيرة دالسكر
 وساشي دالسكر فاني
-2معاق صغار دالقرفة
 وجوج معالق كبار دمايزينا 
وشوية دالشبلور

اللي استافدت هو ان مايزينا كنخلطوها مع التفاح وهي اللي كتشرب ديك الما دالتفاح وبالتالي دالما كيرجع فحال شي كريمة والشبلور ماللي كنسرحو العجينة كندردرو شوية دالشبلور فالوسط باش كيخلي القاع دالطورطة يجي ناشف وهدا هو السر نخليكم مع الصور:
























البنات انا القرفة نسيتا ونضت دردرتا غير من الفوق قبل مندخلا نالفران وماتنساوشي الجوانب يتدهنو بالبيض





وهاهي مللي خرجت ودهنتا بالنباج ومعلقة دمربى المشماش جات غزالة كتحمق