حلوة الماكرون للراقين فقط

 السلام عليكم ورحمة الله وبركاته
حلوة الماكرون les Macarons للراقين فقط 

من اشهر واغلى الحلويات حلوة الماكرون نقدمها اليكم بطريقة مبسطة من مطبخ عاشقة المغرب سلمت يمناها

المقادير

63غ سكر كلاصي

63غ بودرة اللوز
65غ سكر سنيدة
45غ بياض بيض
قطرات من اللون المرغوب
وقطرات من النكهة المرغوبة
الحشو: ممكن يكون عبارة عن كناش عادية او شكلاط نيتيلا انا درت كناش محضر بشكلاط بيض ونصو العبار ديال كريم فريش وملون خضر ونكهة البيستاش

بالنسبة للمقادير فلازم تكون مظبوطة بالغرام يعني لا غرام اقل ولا اكتر

يكفي اننا نحطو طبسيل او كاس خاوي فوق الميزات الالكتروني ومن بعد
نخدموه هكا نقدرو نعبرو اي حاجة واخا بياض بيض

الطريقة

اول حاجة كنخلطو السكر بودر مع بودرة اللوز وكندوزوهم في الشبكة او غربال
رقيق وهاد المرحلة ضرورية
من بعد كنحضرو الميرانج كناخذو 45غ ديال بياض البيض كنضيفو لها نص كمية سكر سنيدة
ونبداو نطلعو فيها حتى تبان لينا بدات كطلع ونضيفو باقي السكر سنيدة شوية بشوية
حتى يكمل من بعد نقلبو الخليط الا بقا واقف راه الميرانج واجدة
نضيفو خليط اللوز على الميرانج ونخلطو بشوية باش باش متنزلش لينا الميرانج
حتى نكملو بالنسبة للملون الا كان بودر فأحسن انا للاسف عندي غير الاحمر لي بودر اما الاخضر عندي سائل كنضيفو من بعد منطلع الميرانج هو ومذاق البيستاش

من بعد ميكون الخليط وحدة كنديروه في بوش الا مكانش ديروه في كيش بلاستيكي كيف درت باش نسهل عليا نقادو الدوائر كيف ماهما باينين في الصور ونخليوهم يرتاحو على الاقل 20 دقيقة حتى 30 دقيقة نسخنو الفرن على 160درجة وندخلو لي ماكارون ديالنا لمدة 15 دقيقة
مني نخرجوهم كيكونو ساهلين يزولو من بابي سيلفيريزي
كيجيو من برا قاسحين او مقرمشين ومن لداخل معلكين

الطريقة بالصور

في أمان الله ورعايته