بيني في الفران بالكريم باتسيير

السلام عليكم ورحمة الله وبركاته
هذه احسن وصفة بيني محشو وفي الفرن بالا زيت بلا قلي ومجرب من الكتير من الاخوات والله اجزي بالخير الاخت نجاة على الوصفة
المقادير


300 غرام دقيق

90 غرام بطاطا مسلوقة و مطحونة

60 غرام سكر

30 غرام زبدة

15 غرام خميرة معجونة

بيضة

فاني

ملح

55 غرام حليب دافي






وضعت الخميرة مع شوية السكر و شوية الحليب خليتهم 5 دقائق






أضفت لهم باقي المقادير





مع اضافة الحليب بالتدريج حتى تجمع العجين






خليت العجين حتى خمر مزيان






طلقت العجين كما هو بالمدلك و قطعتو دوائر






وضعت معلقة صغيرة من كريم باتسري في الوسط و دهنت الجوانب بالحليب





غطيت بالدائرة الثانية بالنسبة للحشوة يمكن نعوض الكريم باتسري بالمربى أو نوتيلا





عملت البيني في الطاوة غطيتو و خليتو يخمر






بعد ما خمر دخلتهم لفرن مسخن على 200 درجة تقريبا 15 دقيقة في الطياب

نردو معه البال تيطيب بسرعة






هاهو بعد ماطاب نزينه بسكركلاصي ولي دايرة ريجيم بلاش






وهنا من الداخل




هادو عمرتهم بالمربى و قليتهم في الزيت








هاد البيني تيجي خفيف ولذيذ بالنسبة لناس لتيضرهم المقلي أو لعاملين الريجيم تنتمنى يعجبكم

طاجين بالخضر Tajine de légumes

شوربة النودلز الكلاسيكية noodel soup

بان كيك بالكاناش pancake

صابلي باللوز ايفيلي Sablé

alharcha الحرشة

tajin samak طجين سمك

صنية دجاج بالحامض

تحميل مجاني للاخر اصدار لعبة pes

السلام عليكم ورحمة الله وبركاته 

free download PES 2013 2014

تدونية اليوم لبعض الترفيه وهذه بعض الروابط للعبة مفضلة عند الكثرين مع الحرص ان نلعب اوقات الفراغ وان لا يزيد الامر عن الحد حتى لاتتحول الى ادمان ويجب على الامهات متابعة العاب الابناء والوقت الذي يقضي في اللعب
الرابط مباشر مجرد الدخول للرابط والضغط على  download سيتم التحميل ان شاء الله




PES 2014

http://pes-2014.en.softonic.com/download









PES 2013


http://pes-2013.fr.uptodown.com/

برنامج الفوتوشوب اون لاين داعم للعربية

السلام عليكم
اليوم ساوفر عليكم عناء البحت والتحميل والكراك داعم للعربية او غير داعم فوتوشوب اون لاين دآآآآعم للغة العربية وبكل سهولة تنقر على الرابط التالي واتسمتع ببرنامج الفوتوشوب مع مراعاة الاستفادة منه بما يفيد والابتعاد عن النواهي والصورء غير الائقة .



http://pixlr.com/editor/

خبز التوست

السلام عليكم ورحمة الله وبركاته

خبز التوست من مطبخ  امال الله اسلم اليدين 


صنع منزلي سهل صحي mmmm






نص كيلو فورص 3 معالق كبار زبدة مدوبة 2 معالق كبار نيدو معلقة ونص خميرة الدار ملح 2 معالق كبار سنيدة والما دافئ للعجن هنا خدا ليا كاس دالعنبة ماء



كندوبو الخميرة فشوية دالما دافئ ونعجنو كلشي عادي ندلكوها شوية ونغطيوها ببلاستيكة


وشي فوطة وخليها تخمر فمكان دافئ انا زربانة غادي نخرج ومع نيت هاد البرد سخنت الفران ودخلتها ليه


وهاهي ملي خمرات


نطلقوها بالمدلك ونلويوها


ندهنو مول طويل بالزبدة ونرش بالطحين وندخلوها فيه وعاودت سخنت الفران وطفيتو ودخلتها تخمر


وهاهي ملي خمرات نسخنو الفران ونقصوه على عافية متوسطة وندخلوها لفران طيب من التحت تقريبا 25 دقيقة ونت وفرانك وعاد حمريها من الفوق وردي البال راها دغيا كتحمر

طورطا بعجينة الشكلاط

السلام عليكم ورحمة الله وبركاته

طورطا بعجينة الشكلاط من مطبخ نجاة تادلا


مقادير الجينواز

6 البيضات

180 سكر

140 دقيق

40 كاكاو


مقادير كريم باتسري بالقهوة

نصف لتر حليب

4 أصفر البيض

4 معالق كبار سكر

3 معالق كبار دقيق

معلقة كبيرة نسكافي


مقادير عجينة الشكلاط

200 شكلاط أبيض

2 معالق كبار عسل

2 معالق كبار ماء

70 غرام سكر كلاصي

ملونات غذائية


لتحضير عجينة الشكلاط

دوبت الشكلاط في حمام مريم ثم أضفت له الماء مخلط مع العسل و خلطتهم مزيان

خليت الشكلاط يبرد ثم أضفت له سكر كلاصي بالتدريج حتى حصلت على عجين

قسمتو وأضفت له ملونات غذائية غلفتو ببلاستيك و أحتفضت به لي حين الاستعمال






عند الاستعمال عاودت دلكتو بين ايديا مزيان حتى أصبح لين لأنه تيولي قاسح

طلقت العجين بالمدلك مع رش الطاولة بسكر كلاصي و قطعت دوائر






خذيت الدائرة الأولى تنضغط عليها ما بين الأصابيع باش تزيد ترقاق و لفيتها على نفسها






تنحصل على وسط الوردة






و تنبقى نلصق باقي الأوراق على الجوانب بعد ما تنكون رققتها بين الأصابيع






حتى حصلت على وردة






و قطعت وردات بالقطاعة






خذيت اللون الأصفر عملت منو كويرات صغار و ضغطت عليهم بظهر الصفاي






ثم لصقتهم في وسط الوردات






طلقت اللون الأخضر و قطعتو بقطاعة الورقة






هاهما الأشكال لي حضرت بعجينة الشكلاط










خذيت الجينواز لي حضرت






قطعتو على 3 دوائر






وضعت الدائرة الأولى سقيتها بالقهوة طايبة مضاف لها السكر ثم طبقة من كريم باتسري






نفس الطريقة لطبقة الثانية ثم سقيت القطعة الثالثة و غطيت بها من الفوق






غلفت الكيك بالقشدة الطرية مضربة و دخلتو لثلاجة






ثم بديت بتحضير الكناش خذيت 250 غرام قشدة سائلة مع 250 غرام شكلاط و ضعتهم في كسرونة على نار مهيلة


مع التحراك حتى داب الشكلاط طفيت عليه و أضفت له معلقة كبيرة زبدة خليتو حتى دفى وفرغتو على الكيك






الكناش لي نزل من الكيك عملتو في جيب حلواني و زينت به جوانب الطورطة






وضعت الورود و الأوراق على الطورطة

و لصقت الوردات بقليل من الشكلاط على الجوانب






و زينت من الفوق بنقط من الشكلاط الأبيض