الكيك والكب كيك الوحشي

السلام عليكم ورحمة الله

الكيك والكب كيك الوحشي , la torta zebrata


 


 

 المقادير :

• 250 gr di فرينة
• 120 مل زيت نباتية
• 3 بيضات كبار
• 90 مل حليب أو كاس ونصف دانون طبيعي إلا بغيته رطبة أكثر
• 40 غ كاكاو مسوس
• 170 غ سكر
• 60 مل ماء سخون طيب
• خنيشة ديال فاني
• وخنيشة ديال الخميرة عبار 15 غ

الطريقة : أول حاجة نوجدو الخليط ديال الكاكاو ، يعني 40 غ كاكاو نخلطه مع الماء سخون مزيان ونخدو 40 غ ديال السكر من 170 الإجمالية ونخلطو مزيان مزيان ونخلوه على جانب
من بعد ندوزو لتحضير الكيك ، أنا عملت الطريقة التقليدية جمعت الكيك بيدي ، نبداو نخلطو الزيت والسنيدة المتبقية والبيض مزيان حتى نحسلو على قوام كريمي ، من بعد نزيدو الفرينة مخلطة بالخميرة والفاني وقبسة ملح من الأول منسوهاش ، وفي الأخير الحليب ونخلطو مزيان









ياد خدامة تصور ويد خدامة تخلط ، هههه حتى من تلفوني مسكين داق الكيك





من بعد نقسمو الخليط على جوج واحد نخلطه بالمزيج ديال الكاكاو مزيان وندهنو اللاطا بالزبدة ونرشها بالدقيق ، نسخنو الفرن على 180 ، غادي تاخد تقريباً واحد 40 دقيقة








من بعد كيف واضح في الصورة نخدو من العجين البيض بالمعلقة ونحطو في المركز ديال اللاطا وفوق من العجين البيضاء نعملو بالمعلقة العجين ديال الكاكاو في الوسط ديمة وهي كتوزع وحدها ونبقاو هكدا حتى نكملو للأخير
ممكن نعاملهم في مولات صغار كدلك كجو زونين