مملحات القريشلات بنكهات مختلفة

مملحات القريشلات بنكهات مختلفة بالصور

طريقة ومقادير تحضير قريشلات مالحين بالصور

 مقادير قريشلات مالحين بالصور

500غ زبدة
4 بيضات
4مثلات جبن

1 ملعقة كبيرة موتارد يعني خردل
1مربع البنة كنور
ابزار
ملعقة صغيرة ونصف ملح
جبن مبشور
الطحين حسب الخليط

طريقة تحضير قريشلات مالحين بالصور
كنخلطو هاد العناصر مع اضافة الطحين في الاخير و نكورو 5 كويرات باش كل واحدة والشكل اللي غنديروه بيه

الشكل الاول

 

 

غناخدو واحد الكرة ونضيفو ليها ملعقة ديال صلصة الطماطم اللي كنديروها فالحريرة

 نخدموها باليد مزيان
نديرو منها قطبان رقيقة
بحال هاد الصورة

وندخلوها الفريز باش تشد فراسها وتسهل علينا عملية التقطاع
من بعد ما نخرجوها من الفريز نقطعوها ونطيروها في الفران

الشكل 2

ناخدو واحد الكورة من العجينة نسرحوها فوق الطابلة
و غنحتاجو معاها بيضة مخفوقة 
و مرتديلا (الكاشير) محكوكة في الحكاكة

ندهنو العجينة بالبيض ونرشو فوقها الكاشير

ونبداو كنلفوها

ندخلوها للفريز حتى تشد فراسها عاد نقطعوها وندخلوها للفران

الشكل الثالث

ناخدو كرة من العجينة
وملعقة من الزعتر
ونخلطو مع العجينة

ونشكلو منه حرابل بحال اللي في الصورة

وندخلوها للفريزومن بعد نقطعوها ويدخل للفران
الشكل الرابع لقريشلات مالحين بالصور

 
غنحتاجو واحد العجينة 
وشوي ديال السانوجيعني حبة البركه او الحبة السوداء

 وبيضة 

 نشكلو حرابل من العجينة وندهنوها بالبيض ونفندوها في السانوج

ونتبعو نفس الطريقة ندخلوه الفريز من بعد نقطعوه ويدخل للفران
الشكل الخامس 

كناخدو 2 العجينات واحدة كنخليها كيما هيا والتانية نزيدو عليها ملعقة ديال لهريسة

وغنحتاجو كذلك الكاشير وبيضة للدهن
ندير العجينة الاولى و ندير عليها التانية اللي فيها لهريسة ونسرحها

وندهنها بالبيض ونرش عليها الكاشير ونلفها وندخلها للفريز و من بعد نقطعها

يدخل للفران

الشكل السادس لقريشلات مالحين بالصور

   غنحتاجو واحد الكرة ديال العجينة ديالنا
وبيضة للدهن
وفورماج اي الجبن مبشور ندهنو العجينة من بعد ما سرحناها ونرشو هليها من فوق الفورماج
ونلفوها

وندخلوها الفريزومن بعد ما نخرجوها نقطعوها
وندخلوها الفران